Aktorja 8-vjeçare, Eloise Kosumi, ka vizituar sot Komunën e Gjilanit
Kryetari i komunës së Gjilanit, Lutfi Haziri, përmes rrjetit social Facebook ka thënë se Kosumi është krenaria e Gjilanit.
Kosumi, e cila është nxënëse në klasën e tretë në shkollën” Rexhep Elmazi” në Gjilan, ka pasur mundësi të luajë në filmin “Smookers”, të regjisorit Louis Mandylor dhe producentit Peter Organ.
Aktorja ka luajtur përkrah aktorëve si: Nik Goldman, Costas Mandylor; Louis Mandylor Peter Organ, Harmini, Paky Parisi,
Ajo realizuar pesë këngë dhe ka fituar shumë çmime në festivale të ndryshme dhe ka performuar në vazhdimësi në programe të ndryshme në televizionet nacionale.
Postimi i tij i plotë:
Mbajeni mend këtë emër. Kjo është aktorja më e re e Hollywood’it, gjilanasja jonë, Eloise Kosumi, nxënëse e klasës së tretë të shkollës “Rexhep Elmazi”, e cila ka luajtur në filmin “Smookers”. Kjo është krenaria e Gjilanit dhe i falënderoi prindërit e saj, Florën dhe Fatmirin, të cilët tregojnë se kudo që jetojnë fëmijët, mund të depërtojnë, falë edukimit dhe mbështetjes. Me të gjitha mundësitë tona si Komunë, do t’i qëndrojmë afër aktores së re. Mezi po presim ta shohim filmin e saj të parë!
