Skuadra e Leicester City është vënë në kërkim të Vedat Muriqit. Dyshja e Fenerbahce, Ozan Tufan dhe Vedat Muriqi janë identifikuar si objektivat e Leicester për afatin kalimtar.
‘Leicestershire Live’ raporton se ‘dhelprat’ së fundmi kanë dërguar skautët në Turqi për të parë të dy lojtarët nga afër.
Tufan është lojtari që me shumë gjasë do të kalojë te Leicester, gjatë verës, dhe mund të jetë i gatshëm për 20 milionë euro, shkruan Insajderi.
Kurse, për Muriqin konkurrenca do të jetë më e madhe, pasi në garë për lojtarin kosovar janë edhe skuadra si Tottenham Hotspur e Manchester United.
