Këngëtarja Nexhmije Pagarusha ka ndërruar jetë në moshën 86-vjeçare.
Kadri Veseli, Kryetari i Partisë Demokratike të Kosovës ka thënë se ndarja nga jeta e Nexhmije Pagarushës ka lënë një boshllëk të madh në themelet e botës sonë të artit.
Veseli përmes rrjetit social në Facebook ka pohuar se kombi shqiptar ka humbur sot një nga figurat më të ndritura të muzikës, që rrallë herë lindin por që kujtohen përjetë.
Postimi i tij i plotë:
Kombi shqiptar humbi sot një nga figurat më tē ndritura të muzikës që rrallë herë lindin por që kujtohen përjetë. Ndarja nga jeta e Nexhmije Pagarushës ka lënë një boshllëk të madh mu në themelet e botës sonë të artit. Ajo ishte shumë e lidhur me skenën dhe me publikun dhe dinte të linte gjurmë të pashlyeshme për këdo që e dëgjonte. Me talentin e saj magjik ajo ka frymëzuar breza të tërë me krenari kombëtare për folklorin tonë. Lamtumirë Nexhmije, e faleminderit për veprën që le pas!/InLajmi/
