Kryetari i Partisë Demokratike të Kosovës, Bedri Hamza ka bërë homazhe në nderim të ish-krye kuvendarit, Nexhat Daci, i cili vdiq dje në moshën 81-vjeçare, raporton Ekonomia Online.
Hamza bëri homazhe se bashku me bashkëpartiakët Vlora Çitaku, Blerta Deliu-Kodra, dhe Elmi Reçica.
Homazhe në nderim të ish-Kryetarit të Kuvendit që shërbeu për dy mandate, bëri edhe presidentja e vendit, Vjosa Osmani po ashtu edhe kryeparlamentari në detyrë Dimal Basha.
Gjatë ditës janë paraparë edhe aktivitete të tjera në kuadër të ceremonive mortore. Sipas agjendës zyrtare, nga ora 12:00 deri në 12:45 do të mbahet Akademia Përkujtimore në Sallën Plenare të Kuvendit të Kosovës.
Siç kanë njoftuar familjarët, varrimi i Nexhat Dacit do të bëhet sot, ndërsa e pamja do të mbahet nga data 3 deri më 5 janar.
