Dje, Dega e Partisë Demokratike të Kosovës në Prizren mbajti një takim me qytetarët e lagjes “Jenimahallë”, ku u diskutuan nga afër shqetësimet, nevojat dhe pritjet e banorëve të kësaj lagjeje. Ky takim u karakterizua nga një frymë bashkëpunimi dhe angazhimi të ndërsjellë, duke reflektuar gatishmërinë e qytetarëve për të qenë pjesë aktive e proceseve vendimmarrëse dhe zhvillimore të qytetit.
Në kuadër të këtij organizimi, u themelua edhe nëndega e re e Partisë Demokratike të Kosovës në lagjen “Jenimahallë”, një hap i rëndësishëm drejt fuqizimit të mëtejmë të strukturave të PDK-së në terren dhe afërsisë me qytetarët. Themelimi i kësaj nëndege përfaqëson një angazhim të drejtpërdrejtë për organizim më të mirë politik dhe përfaqësim më të fuqishëm të interesave të komunitetit.
Në takim morën pjesë nënkryetari i degës së PDK-së në Prizren, z. Kujtim Gashi, si dhe kandidatët e PDK-së për deputetë nga Prizreni, të cilët prezantuan vizionin e tyre për zhvillimin ekonomik, social dhe institucional të vendit, duke theksuar rëndësinë e bashkëpunimit të ngushtë me qytetarët në çdo fazë të qeverisjes.
Me këtë rast, kandidati për deputet z. Fetah Paçarizi u shpreh se këto takime me qytetarët po i japin vazhdimisht vullnet dhe besim se e ardhmja e vendit do të jetë më e mirë, duke theksuar se ndryshimi që ka nisur është i pakthyeshëm dhe nuk ka forcë që mund ta ndalë. Ai theksoi se mbështetja e qytetarëve është shtylla kryesore e këtij angazhimi dhe dëshmi e qartë se vizioni i PDK-së gëzon besim të gjerë.
Në përmbyllje të takimit, u theksua se Partia Demokratike e Kosovës do të vazhdojë të jetë pranë qytetarëve, duke dëgjuar zërin e tyre dhe duke punuar për zgjidhje konkrete që përmirësojnë jetën e përditshme. Angazhimi i PDK-së mbetet i përqendruar në zhvillimin e qëndrueshëm të Prizrenit, krijimin e mundësive të reja për të rinjtë, përkrahjen e familjeve dhe fuqizimin e institucioneve demokratike.
Z. Paçarizi shprehu mirënjohjen e tij të veçantë për mbështetjen e vazhdueshme që po merr gjatë kësaj periudhe parazgjedhore, jo vetëm nga qytetarët e Prizrenit, por edhe nga mbarë Kosova, duke ritheksuar se kjo mbështetje është motiv shtesë për të vazhduar me përkushtim, ndershmëri dhe përgjegjësi në shërbim të qytetarëve dhe të vendit.
