Një zhytës profesionist u zhyt në një liqen të Teksasit dhe arriti të gjente një unazë diamanti të humbur nga një grua që ishte futur në ujë.
JackO’Lynn Page tha se ajo dhe ekipi i bejsbollit të djalit të saj po vizitonin zonën Sandy Beach të Possum Kingdom, kur kuptoi se unaza e saj e martesës me diamant, e cila daton që nga viti 1910, kishte rënë në liqenin Possum Kingdom.
Ekipi i bejsbollit kontrolloi zonën me prindërit dhe gjyshërit e tyre, por nuk mundi të gjente unazën e humbur.
Page kërkoi ndihmën e Ryan Prigmore të Blue Diver Search and Recovery.
Prigmore tha se erërat e forta shkaktuan ujëra të trazuara, duke e bërë të vështirë kërkimin.
Ai e ndërpreu kërkimin pas disa orësh, por u kthye të nesërmen për të kërkuar në kushte më të qeta.
Deri në mbrëmje, Prigmore i kishte dërguar Page një foto të unazës së saj të gjetur, transmeton Telegrafi.com
“Isha duke u përgatitur gjatë ditëve të fundit që ishte humbur dhe nuk do ta shihja më. Unaza ime është kaq e veçantë për mua dhe nuk kisha ide se si do ta kaloja këtë. Jam shumë e lumtur që po më vjen në shtëpi”, shkroi Page në rrjetet sociale.
