Presidenti amerikan Donald Trump tha se ai i ka ofruar Iranit “ultimatumin përfundimtar” derisa ai peshon ndërhyrjen ushtarake të SHBA-së në konflikt.
“Mund të thuash kështu”, tha ai kur u pyet nëse i kishte dhënë Iranit një ultimatum.
“Ndoshta mund ta quani ultimatum përfundimtar apo jo?”, tha ai.
I pyetur nga CNN, Trump nuk pranoi të jepte specifika mbi substancën.
Trump, po ashtu, tha se ka inkurajuar kryeministrin izraelit Benjamin Netanyahu që të vazhdojë fushatën e tij në Iran.
“Unë thashë: Vazhdoni”, tha Trump për CNN kur u pyet në lidhje me mesazhin e tij për liderin izraelit mes tensioneve rajonale në rritje.
“Unë flas me të çdo ditë”, vazhdoi Trump. “Ai është një njeri i mirë që po bën shumë”.
Biseda e fundit e njoftuar e Trump me Netanyahun ishte dje.
Trump tha se ai besonte se Netanyahu është “trajtuar shumë padrejtësisht nga vendi i tij”, një referencë e dukshme për çështjet e vazhdueshme ligjore në Izrael, transmeton Gazeta Express.
“Ai është një president i kohës së luftës dhe ai po kalon nëpër këtë marrëzi, është qesharake”.
