6 Qershori është dita e 157 e vitit, deri në fund të tij janë edhe 208 ditë.
Ngjarje
1683 – Hapet muzeu Ashmolean në Oksford, Angli – muzeu i pari universitar në botë. Muzeu njihet edhe për një koleksion me vepra arti dhe artifakte, dhuruar nga familja shqiptare Adhamidhi-Frashëri (shek. XIX).
1752 – Një zjarr i madh djeg një të tretën e Moskës, përfshirë 18,000 shtëpi.
1762 – Forcat britanike fillojnë rrethimin e Havanës dhe përkohësisht e marrin qytetin.
1822 – Kanada; Alexis St Martin plagoset aksidentalisht në stomak, duke çuar në studimet e doktor William Beaumont mbi sistemin e tretjes. Beaumont i publikoi rezultatet e eksperimenteve të tij në vitin 1838. Mjeku i njohur William Osler (një nga katër profesorët themelues të spitalit Johns Hopkins) u interesua mbi hollësitë e këtij incidenti të hershëm në historinë e mjekimit të stomakut dhe botoi studimin e tij “Backwoods Physiologist”. Doktor Osler (1849 – 1919) gjithashtu u përpoq që ketë stomak ta vendoste në Muzeun e Mjekësisë së ushtrisë në Uashington, DC.
1833 – Presidenti amerikan Andrew Jackson bëhet presidenti i parë që udhëton me tren.
1873 – U nënshkrua marrëveshja e Aleancës së tre perandorëve edhe nga Rusia dhe Austro-Hungaria.
1889 – “Zjarri i Madh në Seattle” shkatëron gjithë qendrën e Seattle, Washington.
1912 – Shpërthen vullkani Novarupta në Alaska. Vullkani i dytë më i madh në histori.
1925 – Themelohet Korporata Chrysler nga Walter Percy Chrysler.
1944 – Lufta e Dytë Botërore: Zbarkimi në Normandi; Operacioni Overlord filloi me zbarkimin e 155,000 trupave aleate në plazhet e Normandisë në Francë. Ushtarët aleate shpejt thyen sistemin mbrojtës (Murin e Atlantikut) dhe hynë në brendësi nëpërmjet operacionit më të madh amfib ushtarak në histori. Dihet se Winston Churchill ishte kundër zbarkimit në Normandi, për të cilin amerikanët u treguan këmbëngulës; fortifikimet naziste ishin të shumta dhe numri i viktimave pritej të ishte i madh – nga kjo pikëpamje, doli se kryeministri britanik kishte të drejtë. Churchill mendonte se nëpërmjet një zbarkimi në Ballkan (rajon më pak i fortifikuar dhe me më pak përqëndrime të ushtrisë gjermane përgjatë brigjeve Adriatik e Jon – Kroaci, Shqipëri, Greqi), përparimi drejt Gjermanisë do të ishte më i lehtë, më i shpejtë, dhe njëkohësisht ushtrisë së kuqe do t’i pritej rruga nëpër Evropë, një pjesë e së cilës edhe do të kishte shpëtuar nga sundimi sovjetik pasluftës.
1946 – Themelohet Asociacioni Amerikan i Basketbollit (NBA) në New York City.
1968 – Senatori Robert F. Kennedy vdes nga plagët ngaqë e qëlluan një natë më parë.
1982 – Izraeli pushton Libanin për të përzënë prej andej Organizatën për Çlirimin e Palestinës (PLO).
1993 – Mongolia organizon zgjedhjet e para presidenciale në historinë e saj.
2002 – SHBA; Presidenti Bush propozon një departament të ri të kabinetit: Departamenti i Sigurisë Kombëtare.
Lindje
- 1799 – Aleksander Sergejeviç Pushkin, poet, romancier dhe dramaturg rus i konsideruar si themelues i letersisë moderne ruse.
- 1875 – Tomas Man, romancier gjerman, i cili u bë qytetar amerikan mbas ardhjes në fuqi të nazizmit († 1913)
- 1926 – Teki Biçoku, gjeolog shqiptarë († 2009)
- 1946 – Tony Levin, basist amerikan
- 1960 – Steve Vai, kitarist amerikan
Vdekje
- 1799 – Patrick Henry, politikan dhe revolucionar amerikan
- 1961 – Carl Gustav Jung, psikoanalist
- 1959 – George Reeves, aktor amerikan
- 1968 – Robert F. Kennedy, u vra në një atentat pas nje takimi elektoral ne Hotel Ambassador në Los Angelesq
