Katër gazetarë rusë të akuzuar se kanë punuar me liderin e ndjerë të opozitës Alexei Navalny janë dënuar me nga pesë vjet e gjysmë burg secili.
Gjyqi i Antonina Favorskaya, Sergei Karelin, Konstantin Gabov dhe Artem Kriger me akuzën se i përkasin një grupi ekstremist, është mbajtur me dyer të mbyllura në një gjykatë në Moskë që nga tetori. Të katërt i mohuan akuzat.
Prokurorët i akuzuan ata për krijimin e materialeve për kanalin YouTube të Fondacionit Anti-Korrupsion (FBK) të Navalny i cili ishte akuzuar në Rusi si një “agjent i huaj” dhe një organizatë ekstremiste.
Ata kishin kërkuar burgim prej pesë vjet e 11 muaj për secilin nga të pandehurit.
Në një gjykatë në Moskë të martën, katër gazetarët u shpallën fajtorë dhe u dënuan me pesë vjet e gjysmë burg secili.
