Hungaria ka vendosur të tërhiqet nga Gjykata Ndërkombëtare Penale në Hagë. Këtë fakt e bëri të ditur kryeministri hungarez Gergely Gulyas të enjten me rastin e vizitës së kryeministrit izraelit Benjamin Netanyahu në Budapest.
Kjo u pranua nga Hungaria pavarësisht një urdhër-arresti të ICC-së të lëshuar kundër tij në lidhje me luftën në Gaza.“Qeveria do të fillojë procesin e tërheqjes të enjten në përputhje me kuadrin ligjor kushtetues dhe ndërkombëtar”,tha Gulyas.
Si një anëtar themeluesi GJNP-së, Hungaria është teorikisht e detyruar të arrestojë dhe të dorëzojë këdo që i nënshtrohet një urdhri nga gjykata, por Orban e bëri të qartë se Hungaria nuk do ta respektonte vendimin të cilin ai e quajti “të pacipë, cinik dhe plotësisht të papranueshëm“.
Hungaria nënshkroi dokumentin themelues të ICC në 1999 dhe e ratifikoi atë në 2001, por ligji nuk është shpallur. Izraeli i ka hedhur poshtë akuzat, për të cilat thotë se janë të motivuara politikisht dhe të nxitura nga antisemitizmi. Ai thotë se Gjykata Ndërkombëtare Penale e ka humbur të gjithë legjitimitetin duke lëshuar urdhra kundër një lideri të zgjedhur në mënyrë demokratike të një vendi që ushtron të drejtën e vetë mbrojtjes.
Gergely Gulyas, shefi i shtabit të Orbanit, tha në nëntor se megjithëse Hungaria ratifikoi Statutin e Romës të ICC-së, ai“asnjëherë nuk u bë pjesë e ligjit hungarez”,që do të thotë se asnjë masë e gjykatës nuk mund të zbatohet brenda Hungarisë.
Orban kishte ngritur perspektivën e daljes së Hungarisë nga GJNP pasi Presidenti i SHBA Donald Trump vendosi sanksione ndaj prokurorit të gjykatës Karim Khan në shkurt.
“Është koha që Hungaria të rishikojë atë që ne po bëjmë në një organizatë ndërkombëtare që është nën sanksionet e SHBA-së”, tha Orban në X në shkurt, transmeton A2cnn
Projektligji për fillimin e procesit njëvjeçar të tërheqjes nga ICC ka të ngjarë të miratohet nga parlamenti i Hungarisë, i cili dominohet nga partia Fidesz e Orbanit.
