Gjykata Speciale nuk ka lejuar ish-Presidentin e Kosovës, Hashim Thaçi, të marrë pjesë në ceremoninë e varrimit të babait të tij.
Lajmi është bërë i ditur nga Organizata e Veteranëve të Luftës së Ushtrisë Çlirimtare të Kosovës (OVL e UÇK-së), e cila ka reaguar ashpër ndaj këtij vendimi, duke e cilësuar atë si të padrejtë dhe thellësisht të papranueshëm.
Për këtë ka reaguar edhe biznesmeni, Behgjet Pacolli, i cili i ka shprehur ngushëllime ish-presidentit për ndarjen nga jeta e babait të tij.
Me dhimbje të thellë dhe respekt të madh, dëshiroj, edhe një herë të shpreh ngushëllimet e mia më të sinqerta për ndarjen nga jeta të babait tuaj, Haxhiut’, ka shkruar Pacolli.
Pacolli e ka quajtur padrejtësi mosjelimin e Thaçit për të marrë pjesë në ceremoninë e varrimit të babait të ndjerë nga Gjykata Speciale, përcjell Lajmi.net
“Përtej ligjeve dhe rregullave, ka parime të drejtësisë, të humanizmit dhe të dinjitetit njerëzor, të cilat sot janë shkelur në mënyrën më të rëndë”, ka shkruar ai.
