Gjykata Speciale ka refuzuar kërkesën e ish-presidentit të Kosovës, Hashim Thaçi, për t’u liruar me qëllim që të marrë pjesë në ceremoninë mortore të babait të tij.
Ky vendim ka nxitur reagime të shumta, përfshirë këtu edhe kryeministrin e Shqipërisë, Edi Rama.
Përmes një postimi në platformën X (ish-Twitter), Rama e ka quajtur këtë një akt të ulët dhe të turpshëm, përcjell Dukagjini.
“Një veprim i ri i ulët nga një gjykatë e turpshme dhe e paturpshme që drejtësinë ndërkombëtare e ka kthyer në shaka, të drejtat demokratike në fjalë boshe dhe vullnetin e mirë të Kuvendit të Kosovës në bumerangët më brutalë”, ka shkruar Rama në X.
