Analisti politik, Dardan Sejdiu sonte në emisionin “DPT te Fidani” është shprehur se Evropa ka nevojë për pavarësi strategjike.
Sipas tij, kjo duhet të ndodh, në mënyrë që siç u shpreh ai, të ketë kuptim edhe një rilindje e Bashkimit Evropian.
“T’i kemi parasysh rrethanat në të cilat Rusia gjendet sot, përballë një Kine e cila ka bërë avancime të jashtëzakonshme teknologjike, infrastrukturore, ushtarake, ekonomike, financiare dhe i ke Shtetet e Bashkuara të Amerikës, që e vendosin dikë i cili ka bërë kapërcime teknologjike në qeveri, pa i dhënë titull, Elon Musk dhe ai njeri është aty për këtë betejën e tekonologjisë, nuk është aty për ndonjë betejë tjetër”.
“Dhe e kemi një Bashkim Evropian që ka nevojë të ketë një pavarësi strategjike prej varësisë që e ka në Shtetet e Bashkuara të Amerikës, në mënyrë që të ketë kuptim edhe një rilindje e Bashkimit Evropian”, tha ai.
I pyetur se a mund të funksionojë Evropa pa Shtetet e Bashkuara të Amerikës, Sejdiu tha se kjo gjë është e domosdoshme, përcjell Klankosova.tv.
“Është e domosdoshme, s’është pyetja a mundet, kjo është pyetje që duhet dhe sa shpejtë veprojnë dhe funksionojnë. Pavarësia strategjike që i duhet Evropës, është e domosdoshme, si investim dhe intervenim, sepse Evropa është një prej vendeve e cila ka diversitetin më të madh sa i përketë ekonomisë, etnive, etj, pra nuk ka qare, nuk ka rrugë tjetër”, u shpreh tutje Sejdiu.
