Kryetari i AAK-së, Ramush Haradinaj, ka kujtuar të rënët e 31 majit të vitit 1999, përcjell InLajmi.
Haradinaj tha se 31 maji shënon heroizmin dhe sakrificën e jashtëzakonshme të luftëtarëve të lirisë, Safeti nga familja e Heroit Isa Boletini, dhe Ejup Kasumi nga Strofci i Vushtrrisë.
Gjithashtu, sot kujtojmë sakrificën e familjes së Selatin Gërxhaliut, që 25 vjet më parë u ekzekutuan pa mëshirë vetëm pse ishin shqiptarë në tokën e tyre, shtoi ai.
Haradinaj shtoi se kujtimi për ta do të jetë i përjetshëm, duke frymëzuar brezat e ardhshëm me dashurinë për atdheun dhe përkushtimin ndaj kauzës kombëtare.
Postimi i plotë i tij:
31 maji shënon heroizmin dhe sakrificën e jashtëzakonshme të luftëtarëve të lirisë, Safeti nga familja e Heroit Isa Boletini, dhe Ejup Kasumi nga Strofci i Vushtrrisë. Sot, me kryetarin e Aleancës në Mitrovicë, Qazim Nimani, bashkëpunëtorë e bashkëluftëtarë, nderuam sakrificën e tyre sublime për liri. Po ashtu, ndaluam për të shprehur ngushëllime në familjen Salihu, për humbjen e djalit të tyre, Qlirimit.
Gjithashtu, sot kujtojmë sakrificën e familjes së Selatin Gërxhaliut, që 25 vjet më parë u ekzekutuan pa mëshirë vetëm pse ishin shqiptarë në tokën e tyre. Në përpjekje për të mbrojtur familjen, ra heroikisht edhe i zoti i shtëpisë Selatini, luftëtar i dalluar i Brigadës 142 “Mehë Uka”.
Kujtimi për ta do të jetë i përjetshëm, duke frymëzuar brezat e ardhshëm me dashurinë për atdheun dhe përkushtimin ndaj kauzës kombëtare.
Paqe e lavdi për të rënët. U jetësoftë ëndrra e tyre!/InLajmi/
