Ish-ministri i jashtëm i Kosovës, Enver Hoxhaj ka reaguar ashpër ndaj bllokimit të qytetarëve të Kosovës në pikat kufitare Kroaci-Serbi, bllokim ky nga dje, përcjell InLajmi.
Hoxhaj tha se dënoj sjelljen e policisë serbe në kufirin Kroaci-Serbi, e cila që nga dje, pa asnjë arsye, ka ndaluar qindra gra, burra, fëmijë dhe të moshuar, duke marrë pasaportat e tyre.
Ai gjithashtu theksoi se ky është një provokim i pakuptimtë dhe një sulm kundër njerëzve të Kosovës.
Postimi i plotë i tij:
Dënoj sjelljen e policisë serbe në kufirin Kroaci-Serbi, e cila që nga dje, pa asnjë arsye, ka ndaluar qindra gra, burra, fëmijë dhe të moshuar, duke marrë pasaportat e tyre! Ky është një provokim i pakuptimtë dhe një sulm kundër njerëzve të Kosovës./InLajmi/
