Trajneri i Burnleyt, Vincent Kompany ka folur për situatën me portierët gjatë konferencës për shtyp pas ndeshje kampionale që ekipi i tij e luan të shtunën kundër Chelseat.
Tekniku belg ka mbrojtur vendimin e tij për t’ia besuar vendin e titullarit portierit të Kosovës, Arijanet Muriq në duelin ndaj Brentfordit. Burnley e fitoi 2:1 ndeshjen, ndërsa Muriq u vlerësua lart për disa pritje.
“Ne kemi 2 portierë shumë të mirë dhe gjithçka ka të bëjë me ekipin tani. Çdo vendim që marrim është për një qëllim dhe ai është të qëndrojmë lart. Kështu që, nuk ka asgjë tjetër për të thënë rreth kësaj teme”, ka thënë Kompany.
Paraqitja ndaj Brentfordit për portierin Muriq ishte e para këtë edicion Premier League. Ai ka edhe 4 katër ndeshje në 2 garat e Kupës së Anglisë, përcjell Tëvë1.
25-vjeçari me Burnleyn ka kontratë deri në qershor të vitit 2026.
