Ministri i Punëve të Jashtme i Serbisë, Ivica Daçiq, e ka quajtur vendim “skandaloz” dhe “të turpshëm” votimin pro Raportit për anëtarësimin e Kosovës në Këshillin e Evropës, sot në Paris në takimin e Komitetit për Politikë të Jashtme dhe Demokraci.
Ministria e Punëve të Jashtme të Serbisë me anë të një njoftimi bën të ditur se Daçiqi ka thënë se ndër të tjera, “ky vendim shkatërron të gjitha parimet mbi të cilat mbështetet Këshilli i Evropës”, shkruan Tanjug.
“Për herë të parë është propozuar pranimi i një territori që nuk është anëtar i Kombeve të Bashkuara dhe nuk njihet ndërkombëtarisht”, ka thënë Daçiqi.
Ai tha se vendimi kërcënon integritetin territorial dhe sovranitetin e Serbisë, transmeton Klankosova
Sot është votuar pro anëtarësimit të Kosovës në KiE. Ky votim i hap rrugën anëtarësimit të plotë të Kosovës në këtë organizëm.
