Ka tash sa kohë që reperët shumë të pëlqyer të estradës, Tayna dhe Mozzik, kanë paralajmëruar një duet të ri.
Përmes imazheve që ndanë me fansat, ata treguan se e incizuan këngën e tyre për vetëm 30 minuta, duke premtuar se do të jetë hit.
E kjo këngë tashmë ka rënë në dorën e publikut, për mes aplikacionit SoundCloud.
“Edhe ti” mban titullin kënga e re dyshes, e cila duket të jetë ritmike, ndërsa nuk dihet nëse është publikuar me parapëlqimin e të dyve.
Asnjëri prej reperëve nuk ka paralajmëruar që kënga është e gatshme për publikun, çka ka çuar fansat të mendojnë se ajo po rrjedh ilegalisht në internet, shkruan Telegrafi.
Këto ditë, Mozzik dhe Tayna realizuar edhe xhirimet e klipit, të cilat i kanë ndarë me ndjekësit në rrjetet sociale, duke treguar se do të shfaqen mjaft me stil në videoprojektin “Edhe ti”.
https://soundcloud.com/j166yks/tayna-x-mozzik-edhe-ti
