Kryeministrja e Serbisë Ana Bernabi, ka reaguar ndaj kërkesës për hetim ndërkombëtar, ndërsa shprehet ajo se hetimi ndërkombëtar është shkelje e drejtpërdrejtë e sovranitetit të Republikës së Serbisë, transmeton InLajmi.
Tutje shtoi ajo se asnjë vend në botë nuk do ta lejonte këtë dhe se një hetim i tillë shkel sovranitetin dhe institucionet e vendit.
“Jo, nuk do ta lejoja kurrë këtë. Pse opozita kërkon të shkelë institucionet dhe sovranitetin e vendit të saj? Nuk ka asnjë opozitë në botë që ka kërkuar shkatërrimin e sovranitetit të vendit të vet” tha Brnabiq.
Ajo tha se për këto arsye nuk do të lejojë hetim ndërkombëtar për zgjedhjet dhe se është e sigurt se fakti që opozita kërkon një hetim të tillë do të “mbesë njollë në emrat e tyre” dhe se qytetarët nuk do ta falin.
Brnabiq tha se Qeveria e Republikës së Serbisë tashmë i ka dërguar një letër ODIHR-it ku thuhet se Serbia është “absolutisht e gatshme” të vazhdojë bashkëpunimin me këtë institucion, shkruan Danas.
Ajo theksoi se ky bashkëpunim është i një rëndësie të madhe për Serbinë dhe shtoi se Serbia është vendi që ka zbatuar më së shumti rekomandimet e këtij institucioni në mes 2 cikleve zgjedhore. /InLajmi/
