Kryetari i Partisë Demokratike të Kosovës Memli Krasniqi me rastin e 16 vjetorit të Pavarësisë së Kosovës ka bërë homazhe te Komplekset Memoriale në Prekaz, përcjell InLajmi.
Krasniqi tha bëmë homazhe te Komplekset Memoriale në Prekaz e Marinë, për të nderuar veprën heroike të Komandatit Legjendar Adem Jashari dhe familjes së tij, si dhe të gjithë dëshmorëve që u flijuan për liri.
Tutje tha se ditët e bardha që i gëzojmë tashmë një çerek-shekull, dhe Republika e Kosovës si shtet i pavarur e demokratik, kanë lindur mbi sakrificën e tyre dhe mijëra dëshmorëve e martirëve të tjerë, që dhanë jetën për atdhe.
Kreu i PDK-së tha se mirënjohjen për veprën e tyre sublime, nuk mund ta shprehim ndryshe, përveç me përkushtim, angazhim e punë të mira për vendin, dhe se e përjetshme është lavdia për të gjithë të rënët për liri, dhe e përjetshme është Kosova jonë.
Postimi i plotë i tij:
Në zemër të Kosovës në Drenicë, sot me kolegë e bashkëpunëtorë nga Partia Demokratike e Kosovës, me rastin e shënimit të 16 vjetorit të Pavarësisë, bëmë homazhe te Komplekset Memoriale në Prekaz e Marinë, për të nderuar veprën heroike të Komandatit Legjendar Adem Jashari dhe familjes së tij, si dhe të gjithë dëshmorëve që u flijuan për liri.
Ditët e bardha që i gëzojmë tashmë një çerek-shekull, dhe Republika e Kosovës si shtet i pavarur e demokratik, kanë lindur mbi sakrificën e tyre dhe mijëra dëshmorëve e martirëve të tjerë, që dhanë jetën për atdhe.
Mirënjohjen për veprën e tyre sublime, nuk mund ta shprehim ndryshe, përveç me përkushtim, angazhim e punë të mira për vendin.
E përjetshme është lavdia për të gjithë të rënët për liri!
E përjetshme është Kosova jonë! /InLajmi/
