Deputeti i Lëvizjes Vetëvendosje, Mefail Bajqinovci ka shkruar se presidenti i vendit, Hashim Thaçi po tallet me shtetin e Kushtetutën, në cdo hap që bën, shkruan InLajmi.
Ai ka shkruar në Facebook se Thaçi po i ngatërron përmbajtjet politike me ato juridike dhe i keqpërdorë brutalisht për interesat e tij parapolitike, si kreu i oligarkëve të Kosovës.
Postimi i plotë:
“Thaçi thotë se po mendon dekretimin e Kurtit pasi është i nominuar për kryeministër dhe se ka caktuar gjysmën e qeverisë”, ndërsa dje tha “e kam nominuar z. Kurti, si gjithmonë, duke u shërbyer me vetën e parë të gërditshme që qytetarët e dëgjojnë nga ai, tash e sa vite. Ky fodull, tallet me shtetin e me Kushtetutën, në çdo hap që bën. Përmbajtjet politike i ngatërron me fakte juridike dhe e kundërta: faktet juridike i keqpërdorë brutalisht në funksion të interesave të tij parapolitike, si kreu i oligarkëve të Kosovës. Më thjeshtë, çfarë po bën ky është pak a shumë kështu: Kur një noter kërkon nga palët t’u bëjë gati aktin noterial para se palët të jenë pajtuar për përmbajtjen e marrëdhënies juridike. I nderuar noter i zellshëm, prisni kërkesën. Shpejt do të ju arrijë./InLajmi/
