Presidenti serb Aleksandar Vuçiq, priti të enjten në takim ambasadori rus në Serbi Aleksandar Bocan-Harçenko me të cilin diskutuan përveç bashkëpunimit midis 2 vendeve edhe për situatën politike sikur edhe vendimin për ndalimin e dinarit në Kosovë, transmeton InLajmi.
Pas takimit, Vuçiq bëri të ditur se diplomatin rus e informoi për vendimin e fundit të Kosovës për dinarin.
“E informova ambasadoren Bocan-Harchenko për lëvizjen e fundit të njëanshme të Prishtinës, të drejtuar qartë kundër popullit serb në Kosovë dhe Metohi, si dhe për pasojat e mundshme të këtij akti të papërgjegjshëm të regjimit të Kurtit”, është shprehur Vuçiq.
Tutje theksoi ai se me ambasadorin Bocan-Harçenko kanë diskutuar edhe për marrëdhëniet dypalëshe dhe bashkëpunimin ndërmjet Serbisë dhe Federatës Ruse, si dhe çështje të tjera rajonale dhe ndërkombëtare me interes të përbashkët.
“Përsërita mirënjohjen time për Rusinë për mbështetjen e saj në respektimin e integritetit territorial të Serbisë”, përfundoi Vuçiq.
Kujtojmë se presidenti Vuçiq të mërkurën në orët e vona të pasditës është takuar med përfaqësuesit e vendeve të QUINT-it dhe të BE-së, Britanisë së Madhe, Francës, Italisë dhe Gjermanisë, si dhe me shefin e delegacionit të BE-së dhe përfaqësuesin e Ambasadës së SHBA-së në Beograd, lidhur me vendimin e autoriteteteteve në Prishtinë të aktivizojnë dekretin për heqjen e dinarit në Kosovë/InLajmi/.
