Zëdhënësi i Partisë Demokratike të Kosovës, Avni Bytyçi, përmes një postimi në Facebok, ka shkruar në lidhje me vonimin e koaliconit mes LDK-LVV.
“Paaftësinë e saj për ta formuar koalicionin qeverisës, Lëvizja Vetëvendosje sot ia paska adresuar një formacioni politik imagjinar”, shkruan ai.
“Ndërsa, për çkapjen e shtetit, le të fillojnë nga Komuna e Prizrenit, ku tashmë gjysma e kabinetit është nën aktakuza për korrupsion dhe abuzim të detyrës zyrtare”, përfundon Bytyçi.
Postimi i plotë:
Paaftësinë e saj për ta formuar koalicionin qeverisës, Lëvizja Vetëvendosje sot ia paska adresuar një formacioni politik imagjinar.
Partia e Albin Kurtit, jo vetëm është e paaftë, por është edhe e papërgjegjshme dhe mashtruese.
Partia Demokratike e Kosovës, si parti opozitare, e fton LVV-në që të pushojë me këto lojëra fëmijërore, sepse bëhet fjalë për shtetin e Kosovës, e jo për ndonjë forum të tyre politik. Le ta formojë Qeverinë sa më parë, edhe pse, siç po shihet, Kosova dhe shoqëria e saj nuk do të përfitojnë asgjë.
Ndërsa, për çkapjen e shtetit, le të fillojnë nga Komuna e Prizrenit, ku tashmë gjysma e kabinetit është nën aktakuza për korrupsion dhe abuzim të detyrës zyrtare. /InLajmi/
