Kuvendi i Kosovës ka mbyllur seancën e sotme në mungesë të kuorumit për të hedhur në votim rezulutën për uljen e çmimit të rrymës.
“Nuk kemi kuorum, në mungesë të kuorumit për votimin e propozim rezolutës, ndërpritet seanca e sotme. Për vazhdimin e seancës do të njoftoheni nga Kryesia e Kuvendit”, ka thënë nënkryetari i Kuvendit, Bahrim Shabani
Lëvizja Vetëvendosje ka marrë kritika nga deputetët opozitarë lidhur me menaxhimin në sektorin e energjisë.
Ministrja e Ekonomisë, Artane Rizvanolli ka thënë se Kosova është shteti me çmimin e energjisë elektrike më të lirë në rajon dhe Europë shkruan EO.
Rizvanolli ka shtuar se kriza është përballuar në mënyrën më të mirë të mundshme ndonëse 2 vitet e fundit ishin sfiduese në këtë sektor.
