Ish- ministri serb i mbrojtjes është shprehur, Dragan Shutanovac, duket i “frikësuar” për forcimin e Kosovës ushtarakisht pas lajmit për blerjen e “Javelinëve” amerikanë nga Kosova, përcjell InLajmi.
Sipas tij, që kur është themeluar Forca e Sigurisë së Kosovës, ka qenë e qartë që pushteti i Kosovës synon që këto forca të jenë themeli i Ushtrisë së Kosovës.
“Që nga momenti i formimit të Forcave të Sigurisë së Kosovës, ishte e qartë se autoritetet në Kosovë synojnë që këto forca të jenë edhe ushtria e Kosovës. Ju kujtoj se vendimin për formimin e ushtrisë së Kosovës e kishte marrë parlamenti në vitin 2018, por që atëherë zyrtarët e NATO-s e kritikuan atë vendim dhe praktikisht, e ngadalësuan atë”, tha Dragan Shutanovac, ish-ministër i Mbrojtjes dhe themelues i Këshillit për Politikat Strategjike
“Armatimi i Kosovës nuk është një lajm i mirë si për Beogradin ashtu edhe për vendet përreth, veçanërisht për Maqedoninë e Veriut, e cila tashmë është përballur me rebelime të armatosura që synojnë shkëputjen e një pjese të territorit dhe formimin e “Shqipërisë së Madhe” që është “baza e aktiviteteve politike” si të ekstremistëve ashtu edhe të Kurtit”, shprehet Shutanovac, për Danas.rs.
Megjithatë, shton ai, me blerjet e fundit të armëve dhe pajisjeve ushtarake, përfshirë dronët turq, dhe veçanërisht me synimin për pajisjen e FSK-së me raketa antitank, Kosova praktikisht do të ketë një ushtri përkundër të gjitha marrëveshjeve, që sigurisht paraqet një sfidë të re të sigurisë në rajon./InLajmi/
