Asociacioni i Gazetarëve të Kosovës kanë reaguar duke dënuar për sjelljen e mbrojtjes së afët të kryeministrit Kurti ndaj gazetares Blerta Dalloshi-Berisha, përcjell InLajmi.
Në njoftim thuhet se maltretimi në formë të tillë i gazetarëve është i papranueshëm, dhe ndikon në rritjen e pasigurisë për komunitetin medial në Kosovë.
AGK kërkoi nga Policia e Kosovës të hetojë rastin dhe nga kryeministri presin që të dënojë këtë sjellje dhe të mundësojë që gazetarët të bëjnë pyetjet në interes të publikut.
Njoftimi i plotë nga AGK:
Mbrojtja e afërt e Kryeministrit pengon gazetaren Blerta Dalloshi-Berisha
Asociacioni i Gazetarëve të Kosovës e dënon sjelljen e papranueshme të mbrojtjes së afërt të Kryeministrit të Kosovës, Albin Kurti ndaj gazetares së TV Klan, Blerta Dalloshi Berisha.
Në videon e publikuar nga kolegia, Dalloshi–Berisha, shihet një nga pjesëtarët e mbrojtjes së afërt duke kapur dhe shtyrë nga dora gazetaren, teksa ajo përpiqet ta bëjë një pyetje për kryeministrin.
Maltretimi në formë të tillë i gazetarëve është i papranueshëm, dhe ndikon në rritjen e pasigurisë për komunitetin medial në Kosovë.
AGK-ja, kërkon nga Policia e Kosovës që të hetojë sjelljen e personit në fjalë, dhe gjithashtu nga Kryeministri që të dënojë këtë sjellje dhe të mundësojë që gazetarët të bëjnë pyetjet në interes të publikut. /InLajmi/
