Kryeministrja e Serbisë, Ana Bërnabiq, fillimisht është shprehur se temat më të rëndësishme për momentin janë përparimi i mëtejshëm në të gjitha projektet, rritja e standardit jetësor dhe stabiliteti, transmeton InLajmi.
Duke komentuar deklaratat e disa vëzhguesve ndërkombëtar, ajo tha se veprimet e disa vëzhguesve janë përpjekje për ta sfiduar rezultatin e zgjedhjeve.
“ Ata po përpiqen të shembin stabilitetin e Serbisë, të destabilizojnë vendin, dhe kjo është një përpjekje për të rrëzuar me dhunë presidentin Aleksandër Vuçiq dhe të gjithë ata për të cilët populli i Serbisë ka votuar në masën më të madhe, pra 1.8 milionë njerëz dhe atë është mazhoranca absolute”, tha Brnabiq mysafire në Novi Jutra në TV Pink.rs.
Ajo vuri në dukje se kjo listë mund të formojë një shumicë vetvetiu edhe pa mbështetjen e minoriteteve.
“Jam e bindur se partitë që janë partnerët tanë tradicionalë do të merren parasysh, pavarësisht nëse duhen numerikisht apo jo. Në zgjedhje kishte një numër rekord të vëzhguesve, 5587”, tha Brnabiq.
Duke folur për 2 vëzhguesit që u përpoqën të sfidonin rezultatin, Brnabiq tha se ata udhëhoqën delegacionin e Parlamentit Evropian dhe misionin vëzhgues të Këshillit të Evropës.
“ Nën një, të gjitha paraqitjet e tyre në mediat e Grupit të Bashkuar janë krejtësisht në kundërshtim me kodin etik të sjelljes së vëzhguesve ndërkombëtarë, sepse ata nuk duhet ta diskutojnë temën e zgjedhjeve në atë mënyrë. Ata nuk lejohen të japin vlerësime të tilla në media. Nën 2, Stefan Shenak dhe Andreas Schider ishin të pranishëm në disa qendra votimi dhe nuk kishin kundërshtime për votimin në procesverbal. Pas kësaj, ata shkojnë në mediat e United Group dhe destabilizojnë Serbinë me ditë të tëra duke thënë se kanë parë votues fantazmë dhe se kanë dëgjuar se 50.000 janë sjellë për të votuar në zgjedhjet lokale në Beograd”,ka theksuar Bërnabiq.
Ajo theksoi se Shenaku dhe Shideri nuk kanë pasur asnjë fjalë të vetme të mirë për Serbinë në karrierën e tyre.
“Njërën e firmosën, për një tjetër flasin, të 3-tën e bëjnë. Dhe asgjë nga këto nuk është sipas standardeve etike”, theksoi Brnabiq.
Kujtojmë se zgjedhjet në Serbi sipas deklarimeve zyrtare janë manipuluar në disa raste, prandaj edhe në disa vendvotime tashmë do të mbahet edhe një process i votimit./InLajmi/
