Bashkatdhetarë të shumtë kanë marrë rrugën për në Kosovë për t`i kaluar festat me familjarët e të dashurit e tyre, e si rrjedhojë në pikëkalimin kufitar, mbrëmë, janë krijuar edhe radhë të gjata të automjeteve.
Por, mëngjesin e sotëm, sipas Qendrës Kombëtare për Menaxhim Kufitar, pritjet për të hyrë janë shumë më të shkurta. Pritjet e bashkatdhetarëve tanë për të hyrë në Kosovë në pikëkalimin në Merdarë, sot rreth orës 07: 00, ishin 30 minuta, derisa mbrëmë pritjet në këtë pikë kufitare, sipas kësaj qendre, kanë shkuar deri në tri orë.
Kolona të gjata gjatë ditës se djeshme ka pasur edhe në pikat tjera kufitare, kurse sot kolonë më të gjatë ka në pikën kufitare në Jarinje, ku pritjet shkojnë deri në një orë, shkruan RTK.
Sipas Qendrës Kombëtare për Menaxhim Kufitar pritjet në pikat tjera kufitare shkojnë nga 5 deri në 10 minuta.
