Disa nga ngjarjet, njerëzit dhe datat më me ndikim në historinë botërore që kanë shënuar 22 dhjetorin
1894 – Çështja e Dreyfus-it, fillon në Francë, kur Alfred Dreyfus dënohet gabimisht për tradhti të lartë ndaj atdheut. Ajo, ishte një skandal politik që ndau Republikën e Tretë Franceze në vitet 1894-1906. “Çështja Dreyffus, simbolizon padrejtësinë moderne në botën frankofone. Ajo mbetet një nga shembujt më të dukshëm të një sjellje të gabuar të drejtësisë dhe antisemitizmit.
1903 – Lindi në Përmet skulptor shqiptar, Odhise Paskali, cilësohet si themeluesi i skulpturës shqiptare dhe një nga personalitetet më të rëndësishme të artit shqiptar. Më 1919 ai shkoi në Itali, ku më 1923 kreu Liceun dhe u regjistrua në Fakultetin e Letërsisë e të Filozofisë në Torino, më 1927 mbrojti diplomën në fushën e historisë së artit. Hapat e para të karrierës së Odhisesë, janë në fushën e publicistikës. Ai u shqua në estetikë dhe kritikë arti. Skulptori i Popullit është i njohur për rreth 600 vepra në skulpturë, por mbi të gjitha në krijimtarinë e vet të larmishme janë të njohura veprat: “Monumenti i Skënderbeut në Tiranë” me bashkautorë, 1968, “Naum Veqilharxhi”, bust në bronx ,në Korçë, “Partizani fitimtar” (Mathauzen, Austri) 1968 etj.
1959 – Lind në Augsburg, Bernd Schuster. Schuster, është një futbollist gjerman i fundit të viteve 1970 deri në fillim të viteve 1990. Ai, fitoi mjaft tituj klubesh duke luajtur për skuadrat spanjolle FC Barcelona (1980-1987) dhe Real Madrid (1988-1990). Ai luajti si mesfushor dhe pseudonimi i tij ishte “der Blonde Engel” (Engjëlli Bjond).
1974 – Shtëpia e ish kryeministrit britanik Edward Heath sulmohet nga anëtarët e IRA-s. Ai, ishte një politikan britanik që shërbeu si Kryeministër i Mbretërisë së Bashkuar nga 1970 deri në 1974 dhe Drejtues i Partisë Konservatore nga 1965 deri në 1975. Heath shërbeu gjithashtu, për 51 vjet si deputet i Parlamentit nga 1950 deri në 2001.
1989 – Vdes në Paris në moshën 83 vjeçare, Samuel Beckett. Beckett, ishte një romancier, dramaturg irlandez, shkrimtar me histori të shkurtër, regjisor teatri, poet dhe përkthyesi letrar. Ai konsiderohet një nga shkrimtarët e fundit modernist dhe një nga figurat kryesore në atë që Martin Esslin e quajti “Teatri i Absurdit”.
1990 – Lech Walesa zgjidhet President i Polonisë. Walesa, është një burrë shteti polak, disident, organizator i sindikatës dhe laureat i Çmimit Nobel për Paqen (1983). Nga elektricist i kantierit të Gdansk-ut, ai u bë udhëheqësi i Solidarnost-it, një lëvizje shoqërore e orientuar drejt lirisë dhe sindikatës dhe më vonë shërbeu si Presidenti i parë i zgjedhur demokratikisht i Polonisë.
1997 – Hussein Farrah Aidid heq dorë nga titulli i diskutueshëm i Presidentit të Somalisë duke nënshkruar Deklaratën e Kajros, në Egjipt. Kjo dorëheqje, ishte hapi i parë i madh drejt pajtimit në Somali që nga viti 1991. Hussein-i, është djali i gjeneralit Mohamed Farrah Aidid. Babai i tij ishte udhëheqës i SNA, organizatë që luftoi forcat amerikane në Mogadishu.
2016 – Një studim vërteton se vaksina VSV-EBOV kundër virusit Ebola është 100 përqind efektive, dhe duke e bërë kështu vaksinën e parë të provuar kundër sëmundjes. Rreth gjysma e njerëzve që kanë vaksinën kanë efekte të moderuara që përfshijnë dhimbje koke, lodhje dhe dhimbje të muskujve, për shkak të kësaj sëmundjeje.
