‘Nuk është kjo çështja e rëndësishme’- u përgjigj kreu i Partisë së Lirisë Ilir Meta, kur u pyet nëse do të marrë pjesë në protestën që do të organizohet nga Berisha më 27 dhjetor para Gjykatës Kushtetuese.
Në një deklaratë për mediat ai theksoi se Gjykata duhet ta kishte zgjidhur çështjen e Sali Berishës larg diktatit të Edi Ramës, shkruan Euronews.al
“Nuk është kjo çështja e rëndësishme. Ajo që kemi mbështetur dhe mbështesim është që Gjykata dhe Gjykatat me kohë duhet ta kishin zgjidhur këtë çështje larg diktatit të Ramës. Kjo është çështje që është zvarritur vetëm për interesa e Edi Ramës që kërkon të mbjellë konfuzion në opozitë dhe të godasë e të dërmojë forcën kryesore opozitare për qëllimet e tij”,tha Meta.
