Kryetari i Aleancës për Ardhmërinë e Kosovës, Ramush Haradinaj ka përkujtuar në Hallaq të vogël të Lipjanit, Komandantin Lulzim Morina me rastin e 23 vjetorit të ndarjes nga jeta, përcjell InLajmi.
Haradinaj u shpreh se gjatë luftës çlirimtare Morina ka treguar heroizëm të rrallë dhe se e gjithë ajo zonë dhe e gjithë Kosova ndjehen krenarë me kontributin e tij.
Postimi i tij i plotë:
Në 23-vjetorin e ndarjes nga jeta të Komandantit Lulzim Morina, në Hallaq të Vogël të Lipjanit, bashkë me luftëtarë dhe kolegë, shprehëm nderimin tonë në kujtim të jetës dhe veprës së tij.
Lulzim Morina, i njohur si Komandant Luli, gjatë luftës çlirimtare shquhej për heroizmin e rrallë. Me guxim dhe vendosmëri, ai nderoi emrin e Agim Zenelit në udhëheqjen e Brigadës 135, duke shënuar suksese të shumta.
Hallaqi i Vogël i Lipjanit ashtu si tërë kombi ynë ndihen krenarë për kontributin e pamohueshëm të Lulit.
Lavdi e përjetshme! /InLajmi/
