Diplomati kosovar në Francë, Shemsi Krasniqi, uronë aktivisten kosovare, Shpresa Loshaj, për çmimin në Paris për të Drejtat e Njeriut të Republikës së Francës, përcjell InLajmi.
Loshaj thekson Krasniqi është e njohur për mbrojtjen e Lumbardhit, ku u kuptua dhe vlerësua drejtë nga Franca dhe kërkon që të kuptohet, vlerësohet dhe nga Kosova.
Diplomati Kosovar e cilëson nder të madh për Kosovën kauzën e aktivistes Shpresa Loshaj dhe shprehet se ajo iu jep shpresë, motiv, guxim dhe mësim të gjithë qytetarëve të Kosovës.
Postimi i plotë i tij:
FRANCA NDERON AKTIVISTEN SHPRESA LOSHAJ
Shpresa Loshaj, aktivistja e njohur për mbrojtjen e Lumbardhit të Deçanit, themeluese e OJQ “Pishtarët”, mbrëmë në Paris u nderua nga shteti francez me Çmimin për të Drejtat e Njeriut i Republikës së Francës “Liri, Barazi, Vëllezëri”. Urime Shpresës për çmimin e merituar dhe gjithë përkrahësve të saj në këtë kauzë!
Derisa një natë më parë, promovuam përkthimin frëngjisht të eposit shqiptar dhe folëm mbi heronjtë dhe figurat imagjinare, mbrëmë takuam një heroinë reale, një zanë mali të vërtetë që i mbron lumejntë e Kosovës!
Jo vetëm me punën e saj të deritashme, por edhe me çmimin që morri mbrëmë, Shpresa Loshaj i bën nder e shërbim të madh vendit tonë. Ajo iu jep shpresë, motiv, guxim dhe mësim të gjithë qytetarëve të Kosovës, se e drejta për ujë është e drejtë njerëzore, se mbrojtja e lumenjve është mbrojtje e jetës, mbrojtja e natyrës është mbrojtje e Tokës dhe botës në të cilën jetojmë. Kauza e saj e drejtë për mbrojtjen e Lumbardhit, u kuptua dhe vlerësua drejtë nga Franca, e duhet të kuptohet, vlerësohet dhe përmbushet nga Kosova.
Urime Shpresa Loshaj! /InLajmi/
