Edhe sot sjell për lexuesin një tjetër recetë petullash, të cilat zakonisht konsumohen me çajin e pasdites por dhe në mëngjes.
Ajo që i bën të veçanta këto petulla është se kanë kanellë në përbërjen e tyre. Gjë që i jep një shije totalisht ndryshe.
Për më tepër brumi i tyre është perfekt dhe për t’i përgatitur të skuqura dhe të pjekura në furrë.
Pra me një recetë përfitoni dy shije mahnitëse.
Janë shumë të thjeshta për t’u përgatitur dhe kur i provoni, do ta kuptoni përse janë kaq të famshme.
Përbërësit
- 2 gota (nga 250 ml) me ujë të vakët
- 1 lugë gjelle me maja të thatë
- 4 gota uji me miell
- Gjysmë gote uji me sheqer
- Një majë luge me kanellë të bluar
- 2 lugë gjelle me gjalpë
- 3-4 lugë gjelle me qumësht të vakët
- 1 vezë
- Pak kripë
- Vaj për skuqje
Përgatitja
Nxirrni të gjithë përbërësit në temperaturë ambienti para se të filloni përgatitjen.
Merrni majanë dhe shkriheni në qumështin e ngrohtë. Përziheni me një lugë çaji në mënyrë që mos të mbeten kokrriza.
Ndërkohë në një tas të madh hidhni miellin, sheqerin dhe kanellën.
Më pas ku keni krijuar një gropë tek mielli, hidhni majanë e shkrirë në qumësht.
Shtoni dhe sasinë e nevojitur të ujit të vakët, gjalpin dhe vezën e rrahur lehtë, shkruan Agro Web.
Gradualisht filloni të përzieni përbërësit derisa të arrini që të formoni një brumë.
