Kryetari i Aleancës për Ardhmërinë e Kosovës, Ramush Haradinaj, shprehet se shoqëria duhet të reflektojë mbi guximin dhe përpjekjet e personave me aftësi të kufizuara, përcjell InLajmi.
Me rastin e 3 Dhjetorit, Ditës Ndërkombëtare të Personave me Aftësi të Kufizuara, Haradinaj bën thirrje që të punohet për vazhdimin e ndërgjegjësimit të shoqërisë për heqjen e paragjykimeve dhe krijimin e një ambienti që ofron kushte për një jetë sa më të lumtur për personat e kësaj kategorie.
Postimi i plotë:
Sot në shënimin e 3 Dhjetorit – Ditës Ndërkombëtare të Personave me Aftësi të Kufizuara, të reflektojmë si shoqëri mbi guximin dhe përpjekjet e tyre në përballjen e sfidave të paimagjinueshme çdo ditë.
Të ndajmë dashurinë, përkrahjen dhe respektin tonë, dhe të punojmë së bashku për vazhdimin e ndërgjegjësimit tonë si shoqëri, për zhdukjen e të gjitha paragjykimeve, heqjen e barrierave dhe krijimin e një ambienti që do të ofronte kushtet për një jetë sa më të lumtur për ta. / InLajmi/
