Vëllai i të ndjerës Liridona, Leonard Ademaj në një prononcim për mediat pas përfundimit të seancës gjyqësore u shpreh se fëmijët aktualisht janë nën kujdesin e prindërve të Naim Murselit, raporton InLajmi.
Gjithashtu, ai u shpreh se fëmijët janë vizituar edhe nga shoqata sociale dhe i kanë siguruar për mirëqënien e tyre. Leonardi shton se fëmijët ende nuk e kanë kuptuar që nëna e tyre ka vdekur e ndërkohë familjarët e Liridonës nuk janë në gjendie të mirë emocionale për tu kujdesur për fëmijët.
“Me fëmijët kemi pasë kontakt. Shoqata sociale ka ardhur dhe ka qenë edhe te ata, që fëmijët janë mirë dhe mos keni merak për ta. Ata nuk kanë telefona që ne me komuniku me ta sepse janë të vegjël. Kujdesin e tyre e kanë gjyshja dhe gjyshi i tyre (prindërit e Naimit). Kanë ardhur e na kanë pyet. Te ne është gjendja shumë katastrofale dhe fëmijët s’e kanë kuptu hala që nana ka vdekë dhe me ardhë te ne e kanë më të lehtë me e kuptu se çka është duke ndodhur. I kemi lënë te ata sepse janë edhe fëmijët e vëllait të Naimit dhe po e kalojnë kohën me ta pa e kuptu”, tha ai.
Po ashtu gjatë deklaratës së tij Leonard Ademaj thotë se Naim Murseli u përpoq që ta mbulonte të vërtetën kur informoi familjen e Liridonës për grabitjen e ndodhur. / InLajmi/
