Kryeministri i Kosovës Albin Kurti dhe ministrja e Drejtësisë, Albulena Haxhiu kanë qenë pjesëmarrës në Lansimin e Programit të Kryerësve të Dhunës ku gjatë këtij programi u shprehën se është e drejta e çdo vajze dhe gruaje të jetojë pa dhunë, raporton InLajmi.
Gjatë fjalës së tij, Kurti u shpreh se janë duke investuar në projekte për rehabilitimin e grave dhe vajzave të cilat kanë qenë pre e dhunës duke u ofruar burimet dhe strukturat e nevojshme për rindërtimin e jetës së tyre.
“Ne nuk mund të kthejmë kohën mbrapsht për krimet që kanë ndodh por mund të iu ofrojmë mbështetje viktimave e të parandalojmë krimet për të ardhmen e për këtë po investojmë duke siguruar se viktimat e dhunës i kanë burimet e strukturat e nevojshme për të rindërtuara jetën e tyre”. tha ai.
Ndërkohë, ministria Haxhiu u shpreh se dhuna ndaj grave nuk është një çështje private duke bërë thirrje që rastet e dhunës të raportohen. Ajo më tutje tha se janë duke punuar që çdo grua të vazhdojë një jetë pa dhunë siç është e garantuar nga Kushtetuta e Republikës së Kosovës.
“Qeveria e Republikës së Kosovës për herë të parë është angazhuar për adresimin e dhunës ndaj familjes dhe grave. E kemi thënë disa që dhuna ndaj grave nuk është çështje private dhe nuk duhet të konsiderohet asnjëherë si e tillë është çështje e drejtave të njeriut është çështje sociale politike shëndetësore po ashtu është ekonomike prandaj si institucion do vazhdojmë që ta kryejmë punën tonë që çdo grua të këtë jetë të dinjitetshme të vazhdoj pa dhunë atë që ia garanton Kushtetuta e Republikës së Kosovës”. tha ajo
Ky aktivitet u mbajt në kuadër të fushatës “16 Ditët e Aktivizmit Kundër Dhunës me Baza Gjinore”. /InLajmi/
