28 Nëntori nuk shënon vetëm festën e Ditës së Flamurit dhe ditëlindjen e komandantit legjendar, Adem Jashari, por 28 nëntori shënon edhe datën kur UÇK-ja për herë të parë doli në skenë.
Dhe çdo vit në këtë datë Kosova kujton daljen e parë në skenë të Ushtrisë Çlirimtare të Kosovës më 28 nëntor të vitit 1997 në fshatin Llaushë të Skenderajt.
Kjo ngjarje ka ndodhur pas vrasjes së mësuesit Halit Geci nga forcat serbe në fshatin Llaushë.
E kështu më 28 nëntor bëhen 26 vjet që nga dalja e parë në skenë e Ushtrisë Çlirimtare të Kosovës UÇK.
Rexhep Selimi, Daut Haradinaj dhe Mujë Krasniqi kanë qenë të parët që kanë dalë për herë të parë publikisht para opinionit publik, në varrimin mësuesit Halit Geci, si ushtarë të UÇK-së.
Deklarata e UÇK-së për paraqitjen e saj të parë publike u përgatit nga vetë ushtarët e saj./InLajmi/
