Kryeministri Albin Kurti, gjatë fjalës së tij në seancën e Kuvendit ku po diskutohet Buxheti për viti 2024, tha se buxheti prej mbi 3 miliardë euro është buxheti më i madh që pa pasur vendi, raporton InLajmi.
Kryeministri, shtoi më pas se ky buxhet forcon mbrojtjen e Republikës, e rritë sigurinë e qytetarëve dhe e mundëson zhvillimin e vendit dhe mirëqenien e popullit.
“Ai do të jetë buxhet i mbrojtjes dhe sigurisë, për çfarë kemi ndare 22% më shumë se sa aktualisht. Ushtrisë tonë ja kemi rritur buxhetin për më shumë se dyfish prej se kemi adresuar në qeverisje do ta shtojmë edhe 600 ushtar më shumë, policia vitin tjetër do t’i këtë 500 rekrut të tjerë. Buxheti i viti 2024 do të jetë prioritet sa i përket nevojave të qytetarëve. Për gjatë këtyre muajve të mandatit tonë ekonomisë ju shtuan 60.000 vende të punës ku gjysma e të punësuare janë të rijnë e të reja nën moshën 25 vjeçare”, deklaroi Kurti
Ndër të tjera ai vuri në theks ndarjen buxhetore për masat e punësimit dhe grandet për komunat.
“Në buxhetin e vitit të ardhshëm kemi ndarë 29 milionë euro për masat e punësimit. Për vitin 2024 shëndetësinë kemi ndarë mbi 340 milionë euro përfshire edhe grandin për komunat. Sektorin e Arsimin do ta mbështesim me 370 milionë euro. Me projekt buxhetin për vitin 2024 forcojmë mbrojtjen e Republikës, e rrisim sigurinë e qytetarëve dhe e mundësojmë zhvillimin e vendit dhe mirëqenien e popullit”, tha kryeministri../InLajmi/
