Deputeti i VV-së, Arber Rexhaj, duke folur në “Debat Plus” për Asociacion e Komunave me shumicë serbe, ka theksuar 3 pika sa i përket dialogut me Serbinë. Sipas tij, Kosova është e hapur për dialog, nuk është bllokues dhe se kanë sensin për t’u marrë vesh me Serbinë.
Por, sipas Rexhajt, Serbia shtiret se do marrëveshje e në anën tjetër bën sulme terroriste dhe voton kundër anëtarësimit të Kosovës në organizatat ndërkombëtare.
“Mirë, të mos harrojmë një gjë, Asociacioni që moti ka qenë obligim ndërkombëtar. Por që nuk u zbatua asnjëherë. Dhe në atë kuptim, mendoj që kryeministrit Kurti edhe në Kuvendin e Kosovës, mirëpo gjetiu edhe këto ditë është duke e thanë një gjë e që për mua ka rëndësi. Që në thelb ne jemi pala e cila është e hapur për dialog e para, e dyta nuk jemi bllokues të dialogut e treta kemi sensin për t’u marrë vesh me Serbinë.
Por për ta kryer një marrëveshje të detyrueshme dhe obligative me Serbinë, dhe në anën tjetër ajo që unë po e shoh në aspektin strategjik është qerrja e maskës së Serbisë, e cila pra shtiret se do dialog me Kosovë, shtiret marrëveshje me Kosovën.
E në anën tjetër kur 2 palë dialogojnë, edhe kanë një marrëveshje siç është marrëveshja bazike, dhe në anën tjetër me akte terroriste të sulmon, në anën tjetër voton kundër Kosovës në anëtarësim në organizmat e ndryshëm ndërkombëtar”, ka thënë Rexhaj.
