Kompania rajonale e Prishtinës “Prishtina” njofton se me rekomandim të Institutit Kombëtar të Shëndetit Publik do të bëj shpëlarjen e linjave magjistrale dhe sekondare në zonat që furnizohen nga ITU Badoc, përcjell InLajmi.
Nga KRU “Prishtina” bëjnë të ditur se shpërlarja bëhet me qëllim të përmirësimit të kualitetit të ujit.
Gjithashtu bëhet e ditur se gjatë shpërlarjes do të ketë çrregullime në sistemin e furnizimit me ujë në po të njëjtat zona të prekura javët e fundit nga niveli i lartë i manganit në liqenin e Badocit.
Njoftimi i plotë:
Me rekomandim të DCBDU dhe IKSHPK gjatë ditës së sotme 15 nëntor 2023, KRU” Prishtina” do të bëj shpërlarje të linjave magjistrale dhe sekondare në zonat që furnizohen nga ITU Badoc, me qëllim të përmirësimit të kualitetit të ujit.
Zonat që do kenë çrregullime në sistemin e furnizimit me ujë janë po të njejtat zona të prekura javët e fundit nga niveli i lartë i manganit në liqenin e Badocit.
Autobotët janë në terren vazhdimisht për të shpërndarë ujë të pijshëm për pije dhe përgatitje ushqimi.
/InLajmi/
