Turqia ka kritikuar ashpër urdhrin e izraelitëve që të largohen banorët e Gazës.
Ministria turke e Jashtme e quajti afatin 24-orësh të pamëshirshëm, të papranueshëm dhe tha se ai shkel ligjin ndërkombëtar
Tani presidenti i Turqisë, Recep Tayyip Erdogan, ka thënë se Izraeli duhet të lejojë ndihmën humanitare në Gaza përmes pikëkalimit kufitar të Egjiptit, Rafah, pasi aeroplani i parë që transportonte ndihma turke arriti në Egjipt.
Izraeli urdhëron evakuimin e 1.1 milion palestinezëve – numri i viktimave në Gaza shkon në 1,800, ka të vdekur edhe në Bregun Perëndimor
Izraeli urdhëron evakuimin e 1.1 milion palestinezëve – numri i viktimave në Gaza shkon në 1,800, ka të vdekur edhe në Bregun Perëndimor.
Rafah është pika e vetme e mundshme e kalimit në Gadishullin Sinai të Egjiptit dhe kalimi i njerëzve dhe mallrave është kontrolluar rreptësisht nën një bllokadë të zbatuar nga Egjipti dhe Izraeli, raporton skynews.
Në një fjalim në Stamboll, Erdogan tha se Turqia do të vazhdojë të dërgojë ndihma në Gaza në bashkëpunim me Egjiptin, transmeton Telegrafi.
Ai tha se autoritetet turke po vazhdojnë të përpiqen të lirojnë pengjet dhe të gjejnë një zgjidhje për krizën.
