Deputeti i Kuvendit të Kosovës nga radhët e Aleancës për Ardhmërinë e Kosovës, Gazmend Syla, ka kërkuar nga Vetëvendosje që të protestojnë kundër liderit të tyre, Albin Kurtit, shkruan InLajmi.
Gazmend Syla, përmes një postimi në Facebook, është shprehur se Lëvizja Vetëvendosje nuk ka besim as tek vetja por as edhe tek Lidhja Demokratike e Kosovës.
Syla ka theksuar se Vetëvendosje duhet të protestojë kundër liderit të saj, Albin Kurtit.
“E di se deputetëve nuk ju bëhet vonë, se tash marrin edhe rrogat, po çka do të ndodh me punëtorët, kur dihet që pa miratim të buxhetit që nga Marsi nuk do të ketë paga? VV është mirë me protestu tash kundër Albinit”, ka shkruar Syla ndër të tjerash.
Postimi i plotë i tij:
Siç duket VV nuk ka besim as te vetja e aq më pak besim në LDK.
Protesta kundër zajednices kishte siç kishte kundër pakos së Ahtisarit.
E tash si do ja bëjnë?!
E di se deputetëve nuk ju bëhet vonë, se tash marrin edhe rrogat, po çka do të ndodh me punëtorët, kur dihet që pa miratim të buxhetit që nga Marsi nuk do të ketë paga?
VV është mirë me protestu tash kundër Albinit!. /InLajmi
