Shefi i Grupit Parlamentar të Partisë Demokratike të Kosovës, Abelard Tahiri, ka kritikuar kryeministrin Albin Kurti për refuzimin për t’iu përgjigjur pyetjeve të depuetëve, duke theksuar se veprimet e tij janë tendencë e sulm direkt ndaj demokracisë, raporton InLajmi.
Tahiri është shprehur se Kurti nuk mund t’i detyrojë deputetët që të nënshtrohen.
“Sjellja e sotme e Kurtit ishte një sulm direkt e demokracisë sonë. Është sjellje e paprecedent që del kryeministri e të thotë se nuk do të përgjigjet. Nuk mund ta detyrojë deputetin t’i nënshtrohet dikujt. Prandaj angazhimet e Kurtit janë për të instaluar një lloj diktati, tha Tahiri.
Ndërkohë ai ka saqruar se nuk është se PDK-ja ka injoruar të gjitha marrëveshjet, sepse ka tha ai ka votuar disa Marrëveshje Ndërkombëtare.
“Nga marsi i vitit 2021, numri i marrëveshje që i kemi votuar është 50 sosh, ndërsa vlera në total arrin diku 850 milionë euro”, tha Tahiri.
Ai adresoi edhe shumë kritika kundrejt qeverisjes aktuale, ndërsa përmendi inflacionin e investimet kapitale të bllokuara.
“Ky është edhe i paditur, është i papërgjegjshëm. E shihni inflacionin, bllokimin e investimeve kapitale, prandaj do ti ndërmarrim të gjitha veprimet e mundshme demokratike”, u shpreh Tahiri./InLajmi/
