Kryeminsitri i Kosovës Albin Kurti ka reaguar menjëherë pas aksionit të sontëm të Policisë së Kosovës në Banjskë, përcjell InLajmi.
Shefi e ekzekutivit ka hedhur akuza në drejtim të Beogradit për ngjarjet e së dielës, duke dhënë edhe detaje nga takimi i 2 majit.
Veç kësaj, Kurti u bëri thirrje serbëve që të çlirohen nga veglat terroriste.
Postimi i plotë i tij:
Kosova është shtet demokratik dhe vend properëndimor: kush integrohet, jeton më mirë. Serbët në Kosovë nuk kanë nevojë për çlirim nga Republika e Kosovës por nga veglat terroriste të Serbisë.
Vuçiq është i obsesionuar me kryekomandantin e UÇK-së, Adem Jasharin. Ai dëshironte që me 24 shtator ta shndërronte Manastirin Ortodoks të Banjskës në “Kullë të Jasharajve” për serbët e Kosovës! Në takimin e 2 majit në Bruksel na tha që Millan Radojçiq do të bëhet Adem Jashari i serbëve. Por, duke qenë diktator, ai s’e kupton historinë: epopeja dhe çlirimi nuk fabrikohen dhe as s’kopjohen./InLajmi/
