Kryetari i Partisë Socialdemokrate, PSD Dardan Molliqaj tha se bastisjet e Speciales ditëve të fundit janë plaçkitje e paligjshme e pronave të ish-ushtarëve dhe familjarëve të UÇK-së, raporton InLajmi.
Ai tha se gjitha kjo është duke ndodhur nën frymën e Qeverise e cila nuk ka bërë asgjë për veteranët e familjarët e dëshmorëve të UÇK-së.
Këto komente i i bëri në protestën e veteranë të Ushtrisë Çlirimtare të Kosovës para bazës së EULEX-it në Fushë-Kosovë, për të kundërshtuar bastisjet e Speciales të kryera ditët e fundit në Kosovë.
“Sa herë që një organ që është i thirrur për të vendosur drejtësi e ka të pamundur që të bëjë një gjë të tillë atëherë fillojnë përndjekjet dhe stigmatizimet. Ajo që ka ndodhur ditëve të fundit ka qenë një plaçkitja e paligjshme e pronave të luftëtarët të lirisë të Kosovës e cila ka ndodhur nga Gjykata Speciale ose Dhomat e Specializuar nën pretekstin për të vendosur drejtësi e për të penguar padrejtësinë që mund të bëjnë ushtarët e UÇK”, tha Molliqaj.
Ai ka akuzuar edhe qeverinë për këto veprime, ndërsa thekson se kjo qeveri është e vetmja që nuk ka ngritur pagat e veteranëve.
“Tani ata i kanë të gjitha provat i kanë të gjitha materialet. por nuk po mund të vendosin asgjë kundër ushtarëve të UÇK-së. Mos harroni që gjithë kjo po ndodh nën frymën e Qeverisë së Kosovës e cila është Qeveri e vetmja që nuk i ka ngritur të hyrat për invalidët e luftës, nuk i ka ngritur të hyrat për familjarët e dëshmorëve, nuk i ka ngritur të ose i ka përjashtuar nga paga minimale veteranët. Dhe më e zeza prej të gjitha këtyre ose më e rënda prej të gjitha këtyre është se nuk i ka financuar as protezat për invalidët e luftës”, u shpreh Molliqaj.
Andaj theksoi Molliqaj edhe kjo që po ndodh me bastijet nuk është e rastësishme.
“Nuk është e rastësishme kjo nuk ka ndodh as një here nga asnjë Qeveri një veprim i tillë çfarë kjo Qeveri po e bënë prandaj kemi sulm të drejtpërdrejt nga Dhomat e Specializuar për t’i shantazhuar ushtarët e UÇK dhe kemi heshtje dhe denigrim të dinjitetit të kategorive të dala nga lufta, besoj që ky është një koordinim i 2 anshëm i dëmshëm dhe i rrezikshme për atë që ne e quajmë vlerën sublime të shteti të Kosovës që është UÇK-ja”, tha ai./InLajmi/
