Muhamet Rrumbullaku, drejtori i ri i Përgjithshëm i Policisë së Shtetit, ka dhënë detaje në lidhje me megaoperacionin e zhvilluar ditën e sotme në mbarë vendin.
Në një konferencë për mediat ai theksoi se në operacionin e shtrirë në Tiranë, Durrës, Elbasan dhe Vlorë janë goditur 23 grupe kriminale.
Ai më tej tha se kur ka vullnet, rezultatet janë gjithmonë në favor të qytetarëve.
“Nga megaoperacioni i zhvilluar në shkallë kombëtare bazuar në numrin e personave të përfshirë në këtë aktivitet kriminal, është bërë i mundur goditja dhe shkatërrimi i 23 grupeve kriminale në Tiranë, Durrës, Elbasan dhe Vlorë”,tha Rrumbullaku, shkruan euronews.al.
“Një rol të veçantë në këtë megaoperacion është bashkëpunimi i ngushtë me prokurorët dhe policinë. Hetime të tilla tregojnë dhe njëherë se kur ka vullnet rezultatet janë gjithmonë janë favor të qytetarëve dhe në dëm të krimit”,
tha ai.
