Shefi i Grupit Parlamentar të LDK-së, Arben Gashi, njofton se anë dorëzuar nënshkrimet për themelimin e Komisionit Parlamentar lidhur me procedurat për furnizimin dhe menaxhimin me rezervat shtetërore, si dhe për keqpërdorimet dhe abuzimet e mundshme me këto rezerva, përcjell InLajmi.
LDK dorëzon nënshkrimet për themelimin e Komisionit Parlamentar për Rezervat Shtetërore
Gashi është shprehur se e vërteta është e duhura për të gjithë e për të gjitha, është pikënisje për gjithçka.
Ndërsa parashtron shumë pyetje lidhur me çështjen e blerjes së rezervave shtetërore, që sipas tij me hetimin nga komisioni do të shpalosen të zbardhen të gjitha dyshimet.
Postimi i plotë i tij:
E vërteta është e duhura për të gjithë e për të gjitha; është pikënisje për gjithçka.
Sot i dorëzuam nënshkrimet për themelimin e Komisionit Parlamentar lidhur me procedurat për furnizimin dhe menaxhimin me rezervat shtetërore, si dhe për keqpërdorimet dhe abuzimet e mundshme me këto rezerva.
Çka është bërë me rezervat shtetërore?
Kush, kur, ku, pse dhe si janë përfshirë në këto procese dhe cili është epilogu i veprimeve të tyre?
A kanë qenë kontratat konform ligjit dhe a i kanë kryer palët detyrimet sipas atyre kontratave?
Është koha e fundit që të gjithë t’i dorëzojnë faktet e të dorëzohen para të vërtetës së domosdoshme.
Shteti dhe shoqëria kanë nevojë që të dinë të vërtetën!
