Kryeministri i Kosovës, Albin Kurti, në Samitin Global të 8-të të Open Government Partnership që këtë vit organizohet nga Qeveria e Estonisë, tha se Kosova ka avancuar shumë në fushën digjitale.
Kurti tha se në dritën e sulmeve kibernetike, digjitalizimi bëhet edhe më i rëndësishëm, e sipas tij, Kosova është e pajisur me internetin në gjithë territorin e saj dhe se kosovarët kanë mundësi të qasjes në marketin ndërkombëtar. Kurti shtoi se Kosova është e hapur që të mësoj nga aleatët e saj për një demokraci sa më të fortë digjitale.
Ai tha se në dritën e sulmeve kibernetike, digjitalizimi bëhet edhe më i rëndësishëm.
“Me internetin qe shtrihet në gjithë territorin e Kosovës, qytetarët tanë kane mundësi në marketin ndërkombëtar. Kështu mund ta përmirësojmë efikasitetin e shëndetësisë, gjyqësorit dhe ta rrisim produktivitetin e gjithë ekonomisë. Mirëpo çdo e mirë, ka edhe kërcënimet e saj. Në Kosovë, aleatët e Rusisë kanë tëndenca të bëjnë sulme kibernetike. Jemi të hapur të mësojmë nga ju për një demokraci sa më të fortë digjitale”, tha Kurti.
Ai ka përmendur se në vend në dy vitet janë digjitalizuar mbi 150 shërbime, duke përmendur edhe portalin e-kosova. Shefi i ekzekutivit ka përmendur edhe rrezikun nga sulmet kibernetike, raporton RTKlive.
Shefi i ekzekutivit theksoi se digjitalizimi ofron shumë mundësi dhe shërbime për qytetarët.
