Ditë më parë, presidenti i Francës Emmanuel Macron, deklaroi se vendimi për liberalizimin e vizave për Kosovën mund të rishikohet, në rast se Kosova dhe Serbia nuk sillen me përgjegjësi.
Por, si duket deklarata e Macronit, erdhi pa u konsultuar me Gjermaninë, partnerin kryesor brenda Bashkimit Evropian.
Kështu të paktën raporton mediumi EURACTIV, se Berlini zyrtar s’ka lëvizur nga qëndrimi.
Shteti gjerman e përkrah liberalizimin dhe se kosovarët do të lëvizin lirshëm më 1 janar 2024.
Ky medium thotë se kreu i shtetit francez e ka përfshirë në deklaratë edhe Gjermaninë, pa marrë aprovimin paraprak, përcjell Klankosova.
“Gjermania do të qëndrojë në afatin e 1 janarit 2024 dhe nuk ka plane për të devijuar nga kjo rrugë, që do të thotë se përfshirja e Gjermanisë nga Macron në deklaratën e tij është bërë pa marrëveshjen me Berlinin”.
