Dogana e Kosovës ka zhvilluar një aksion në 5 barnatore në Prishtinë, nën dyshimin për kontrabandim të barnave dhe shitje të tyre.
Zëdhënësi i Doganës së Kosovës, Adriatik Stavileci, e ka konfirmuar aksionin. “Po është duke u zhvilluar aksion në disa lokacione në Prishtinë, respektivisht në 5 barnatore”, ka theksuar Stavileci për RTK.
Para 2 ditësh, në rajonin e Prishtinës, Dogana e Kosovës ka parandaluar edhe një rast të kontrabandës së barnave nga Shqipëria dhe Serbia. Kjo ishte bërë e ditur nga Dogana e Kosovës përmes një njoftimi për media.
“Në Regjionin e Prishtinës, Dogana e Kosovës, e përkrahur nga Policia e Kosovës, ka ndaluar një automjet të dyshuar. Në këtë rast është zbuluar një sasi e konsiderueshme barnash të kontrabanduara nga Shqipëria dhe Serbia”, thuhet në njoftim.
